A capital de Galicia é tamén meta do Camiño de Santiago, a principal ruta espiritual e cultural de Europa que atrae anualmente a milleiros de viaxeiros. Grazas a iso Santiago de Compostela está dotada da máis moderna e eficiente infraestrutura destinada á recepción de visitantes. A cidade conta con numerosos establecementos hoteleiros de calidade, situados a moi pouca distancia das principais atraccións turísticas e dos centros de reunións e convencións.

Santiago ten unha poboación en censo de 95.000 habitantes, aínda que a súa área inmediata de influencia supera os 150.000. É unha cidade que se abarca a pé doadamente a repleta de atractivos como a súa Catedral, centro dun casco histórico declarado Patrimonio da Humanidade pola UNESCO; a afamada praza do Obradoiro; ou a moderna Cidade da Cultura de Galicia. Nas últimas décadas algúns dos máis recoñecidos arquitectos internacionais deixaron a súa pegada en Santiago, o que incrementa se cabe o seu atractivo.

Conta cun versátil palacio de Congresos e unha amplísima rede de salas e recintos preparados para acoller reunións e eventos, ademais dunha rede hoteleira da máxima categoría cunha oferta que supera actualmente as 7.500 prazas.

Compostela está ligada desde hai 600 años á innovación a través da súa Universidade, unha das máis antigas de España e polo de atracción para investigadores e especialistas de todo o mundo. A presenza universitaria percíbese nunha cidade de vida cultural vibrante, cunha ampla oferta de actividades, exposicións, concertos e restaurantes.

Distancia aeroportos:

• Aeroporto de Lavacolla (Santiago de Compostela): 15 km. / 15 min.
• Aeroporto de Alvedro (A Coruña): 69 km. / 50 min.
• Aeroporto de Vigo Peinador (Vigo): 90 km. / 65 min.